Phama na thoro ya vhele | Nal'ibali
Home | Written stories | Multilingual stories | Phama na thoro ya vhele

Written stories

Phama na thoro ya vhele

Author

Tsho ṅwaliwa nga Margot Bertelsmann

Illustrator

Zwifanyiso nga Chantelle na Burgen Thorne

Phama o vha e na thoro ya vhele. Mme awe a vho ngo zwi ḓivha uri yo vha i thoro ya madambi.

“Ḽiṅwe ḓuvha, thoro iyi i ḓo fusha lushaka,” Phama u ralo. Mme awe vha sea. 

Phama a ṱavha thoro yawe nahone ya aluwa yo aluwa. Ya aluwa ya lapfesa, ya mbo ḓi ngalangala ngomu makoleni.

“Ndi ḓo gonya u swika henengei nṱhanṱha,” Phama u ralo. Khotsi vha mwemwela. Ha pfala ipfi ḽihulu.

“A nukhedza-a gomela-a femuluwa-a bvisa na muya! Ndi khou pfa munukho wa malofha a muswa o bvelelaho!”

Ho vha hu ḽidyavhathu ḽi sa takadzi. “Mpfarei arali u tshi kona,” hu swaswa Phama. Phama a vhona tshisagana tsha madambi.

Ngomu hatsho ho vha hu na musuku woṱhe we lushaka lwa vhuya lwa gwa. Phama a vhona muimbi wa madambi.

O vha a tshi ḓivha nyimbo dzoṱhe dze lushaka lwa vhuya lwa imba. Phama a vhona sekwa ḽa madambi. Ḽo kudzela makumba a

musuku manzhi a eḓanaho muṅwe na muṅwe. “Ndi ḓo vha vhuyela na lupfumo,” Phama u khou amba nga u tou huwelela na

Makhulu awe vha re fhasi. Makhulu vha femela nṱha vha tshi sumbedza u vhofholowa. Phama a phaḓula tshikolo tsho vhibvaho

u bva vheleni. A tshi gotsha muliloni. A ṅokisela boḓoro nṱha ha dzithoro dza muvhala wa musuku a bvisela munukhelelo wa

swika ningoni dza ḽidyavhathu. “Nṋetshedzeni tshinongolamaṋo tshanga,” hu huwelela ḽidyavhathu. Fhedzi Phama o vha o no

ṱuwa.  Na tshisagana na tshone tsho vha tsho ṱuwa. Na muimbi. Na sekwa. Na muri wa vhele wo vha wo ṱuwa. Phama o vha o u

rema, ni khou zwi vhona.

 

Madakalo a Nal’ibali

Zwine ha nga ambiwa nga hazwo

Zwo tea uri Phama a dzhie lupfumo lwa ḽilema a so ngo humbela? Ngani/ndi ngani zwi so ngo tea? Ni vhona u nga Phama u ḓo ita mini nga bege ya lupfumo lwa ḽilema na uḽa muimbi? No vha ni tshi ḓo vha no ita zwifhio zwo fhambanaho na zwe Phama a ita?

Tshifanyiso

Olani tshifanyiso tshi re tshaṋu tsha Phama na ḽilema ḽa mbilummbi tshi no sumbedza uri iḽi ḽilema ndi ḽingafhani.

U Vhala

Ivhani fogisi (dithekhitivi) wa maipfi! Lavhelesani tshiṱori itshi nga vhusedzi. Ni nga kona u wana zwithu zwe zwa nukhedzwa, zwa vhonwa kana zwa thetshelwa nga Phama kana nga ḽilema ḽa mbilummbi?

U Ṅwala

Elekanyani nga ha musi Phama a tshi khou ṅwala tshiṅwalwa kha dayari yawe tsha ḓuvha ḽe a gonya a swika ṱhodzini ya ṱanga ḽa ḽivhele. Ni nga thoma nga heyi nḓila: Ha Dayari yanga, ni nga si vuwe no humbulela uri ho bvelela mini ṋamusi…

U Vhala

Ivhani fogisi (dithekhitivi) wa maipfi! Lavhelesani tshiṱori itshi nga vhusedzi. Ni nga kona u wana zwithu zwe zwa nukhedzwa, zwa vhonwa kana zwa thetshelwa nga Phama kana nga ḽilema ḽa mbilummbi?

U Ṅwala

Elekanyani nga ha musi Phama a tshi khou ṅwala tshiṅwalwa kha dayari yawe tsha ḓuvha ḽe a gonya a swika ṱhodzini ya ṱanga ḽa ḽivhele. Ni nga thoma nga heyi nḓila: Ha Dayari yanga, ni nga si vuwe no humbulela uri ho bvelela mini ṋamusi …