Jeb a ri lontshwa. A ri hava vanghana vo tala. A ri na xivundza. A famba a tsanile, a ri karhi a raha maribye. A ri na chokoleti exikhwameni xa yena, kambe a swi nga n’wi pfuni. A ha titwa a tsanile. A ri na chokoleti, kambe a ri hava vanghana.

Jeb a ri kusuho no tlumbana na nhwana lontsongo. A ri eku rileni. “Em … xana ndzi nga ku pfuna?” “E-e.” Jeb a anakanya nkarhinyana. “Xana u nga tsakela chokoleti?” Nhwana lontsongo a n’wayitela. “Inkomu.”

Jeb na nhwana lontsongo va khomisana ndlela. Va lave ku fika laha a ku ri na nyimpi! Vafana vambirhi a va ri ekulweni. Jeb a anakany nkarhinyana. “Xana mi nga tsakela chokoleti?” Vafana va tshika ku lwa. “Ina!”

Jeb na nhwana lontsongo na vafana lavambirhi va ya emahlweni va famba. Va lave ku fika laha a ku ri na sesi loyi a ri na mbyana. Mbyana yi teriwile hi ku chava loko yi vona Jeb na nhwana lontsongo na vafana lavamabirhi vo lwa, laha yi nga baleka. Swi tekile nkarhi wo leha ku yi khoma. Sesi a julukile swinene naswona a hlundzukile. 

Xana u nga tsakela chokoleti?” Sesi a n’wayiterile. “Ina! Ndza khensa!” Jeb u n’wi nyikile xiphemu xa chokoleti ya yena xo hetelela. A ha ri hava chokoleti yin’wana ya yena. Kambe se a ri na vanghana!

Mianakanyo yo bula hayona

Loko Jeb a phemela van’wana chokoleti ya yena, va hundzuke vanghana va yena. I ndlela yihi yin’wana a tava a endle vanghana vantshwa? Xana xinghana xi vula yini eka wena? I yini swi endlaka vanhu va va na xivundza? Xana u tshama u titwa u ri na xivundza?

Xifaniso

Dirowa xifaniso xa wena u twa xivundza.

Ku Hlaya

Yana eka phepha ra gingiriko laha: https://nalibali.org/story-supplies/activity-sheets Tsala nomboro eka bokisi ha rin’we ku vekela swifaniso hi ku landzelelana. Kuma hungu eka ntsheketo leri fambelanaka na xifaniso xin’wana na xin’wana.

Ku Tsala

Tsala papila u khensa munhu un’wana loyi a tiseke ku hambana evuton’wini bya wena hi ku ku komba malwandla.

Ntirho wa vutshila

Tirhisa xibye xa phepha kumbe u tsema xirhendzevutana eka khadibodo. Hi tlhelo rin’wana dirowa xikandza xa “matitwelo ya xivundza” kasi eka tlhelo rin’wana, dirowa xikandza xa “matitwelo yo tsaka”.

Encenyeta

Tirhisa kahle swifaniso leswi nomboriweke ku tsheketa nakambe ntsheketo.