Singing songs, saying rhymes and playing games are natural ways to develop children’s language skills. They are enjoyable activities that help children to relax and learn more easily. When adults do these things with children, it builds a sense of trust and strengthens the bond between them. Try our multilingual rhymes below.
Ke ne ke le ngwana
Ke sa tsebe letho
Ke sa tsebe ho bua
Ka fuwa mme,
Mme ya ntlhokomelang
Ka thari a mpepa
Ka matsoho a nkuka
Le dijo a mphepa
Ka nna ka hola
Ka ba motlemotle
Ka ba maramarama
Ka tseba le ho bua
Ka tseba le ho bapala
Ke a o leboha mme
Keng hola?
Moaho wa sekolo.
Ketekete,
Keng ho llang ?
Tshepe ya sekolo.
Tshepe e bitsa bana.
Ba bala dibuka,
Ba ngola ka dipene,
Ba etsa dithothokiso,
Ba etsa dipalo
Jwale ke kgefutso,
Ba leba mabaleng
Ho ya bapala
Le ho ya ja dijo
Le nna ke batla sekolo,
Ke ilo ithuta ,
Ho bala le ho ngola.
E mmelemele, e na le mahlo
Mohatla o monyane
Molomo ke thupa,
Ditsebe ke kobo,
E a hatika, E a hatika
E jara bana, E jara bana
E ba isa kwana hole,
E ba isa kwana hole.
E nngwe too ka hokanweng,
Mme ka ho qetwa ke bodutu,
ke eo e tswa.
Kgoho koo, koo, o ya kae?
Katse; ngao, ngao, o tla tshwarwa.
Nku; mee, mee, ntja ke eo.
Ntja; hobu, hobu, ke tla o ja ditsebe!
Hokinyana ya batho
Ya nka ka sekaja.
Hoyi, hoyi, ka hokwaneng tjhobe!
Nonyana tse pedi,
Hodima sefate.
E nngwe ke Mantsho
E nngwe ke Mosweu,
Fofa Mantsho, fofa Mosweu
Boya Mantsho , boya Mosweu
Nonyana tse pedi
Tsa nka ka sekaja
Tsa fofela kwana, tsa fofela kwana!
Nonyana tse hlano
Di dutse sefateng
E nngwe ya re: bona mane
E nngwe ya re: ke monna ka sethunya
E nngwe ya re: ha re ipateng
E nngwe ya re: ha re baleheng,
E nngwe ya re: ha re mo tshabe rona,
Ha re mo tshabe rona.
Qhuu sethunya sa lla!
Qhuu sethunya sa lla!
Katsekatse ya nkgono,
E ne e le kgunwana,
A e kwalletse ka mokgorong,
Nnyao! Nnyao!
Ekare e lapile.
Ka e fa lebese,
Ya le qapha, ya le qapha
Ya le nyametsa!
(Bashemane ba botsa potso, banana ba a araba, ebe banana ba a botsa ha bashemane ba araba. Bana ba supa dikarolo tsa mmele ha ba ntse ba di bolela)
Ntatemoholo, o tswa kae kajeno?
Ke tswa kwana sepetlele
Haufi le lebenkele
O jewa ke eng?
Hlooho, mahetla, nko le molomo
Sefuba, letheka, mangwele le menwana,
Mangwele le menwana.
Tlhaku ya ho qala sekolong ke ‘A’
Ke tla o fa apole ha o ka ngola ‘E’
Ho teng ho lebidi , ke bolela ‘I’
Ntswe lena ‘po’, le qetela ka ‘O’
Ka letsopa mobu, nka ngola ‘U’
Ka letsopa mobu, nka ngola ‘U’.
Habu, habu, habu!
Ntjanyana borakana.
E bohola katse,
Katse nngao, nngao!
Ao katse eso,
E tshaba ntjanyana.
E bona sefate,
E rata ho tlola.
Ya re fela lako!
Ya ba ya re tsora!
Hodimo sefateng.
Nkgono Makalane a wela ka pitseng
A kgangwa ke tapole,
Katse ya mmona,
A ikutlwa a swabile,
A tswa, a tswa, a ketoha
A tswa, a tswa, a ketoha!
Dikotlolo hloohong!
Naledi phatleng!
Ditshepe thekeng!
Dirifi maotong!
Ke lekwatlakwatla feela!
Ke lekwatlakwatla feela!
Eitse ke dutse kgotla,
Ka utlwa molodi o lla.
Ka kopana le Raditedu,
A nkile selepenyana.
A nkomakoma ka sona,
A nkomakoma ka sona.
Ka ilo kgitla ka setsu,
Ka ilo kgitla ka setsu.
Tswii tswii tweba,
Ke tweba e nyenyane,
E ja bohobe,
Bohobe ba Masilo.
Tlong re e tshware,
Re e shape.
Ha e na tsebe.
Tswii, tswii tswii, haebo!
Tswii, tswii, tswii, haebo!
Tshepo wa Rakgomo,
O na hama kgomo.
A e hama e sa tlangwa.
Kgomo ya mo raha,
Fatshe a polana.
Lebese la qhalana
Hodima moraha,
Hodima moraha.
Ka tsamaya ka tsatsi le leng,
Ka kopana le bana ba bang.
Ba mpotsa hore ke tswa kae,
Ka re ke tswa, ke tswa sekolong.
Sekolong re etsa dihlakiso
Dihlakiso hlakiso tsa mmele.
Ba re lona, lona banana,
Le itsoke, le itsoke setono.
Ba re lona, lona bashanyana
Le hate, le hate lefatshe
Ka na ka bona nonyana,
E tlolatlola.
Ka re ho nonyana; ema, ema.
Ya tsoka setono,
Ya tsoka setono.
Ke ela e fofa,
Ke ela e fofa.
Aha, aha, aha!
Ka sala ke maketse,
Ka sala ke swabile.
Ke nna ketlele,
Hona ke mohele,
Hona ke molomo,
Ke bedisa metsi,
Metsi a tjhesang.
Ntshelle bo, ntshelle bo!
Ntshelle bo!
Tjhukutjhuku, tjhukutjhuku
Ke tjhutjhumakgala
Terene e telele,
E tswa hokae, e lebile kae?
E tswa makgoweng,
E lebile mahaeng.
E tlisa bontate hae
Ba tlo bona bana hae.
Tjhuku, tjhuku, tjhuku!
Tlou ela, e na le nko
E telele hakaakang
Tlou ela, e na le nko
E telele hakaakang.
Ya nka tweba,
Ya nka mokgodutswane,
Ya di tlamella sefateng.
Ke eng hona hoo?
Ho ho putswanyana?
Be, ke lengana,
Le babetsa lehano.
Thiya! Thiya! O tshwerwe ke sefuba
Harola o phehe.
Subela ka nkong,
O tla hlaphohelwa.